Asosiy qismga o‘tish

UZRU

Maxfiylik siyosati

softdoc.uz sayti, demo va RASTA dasturida qanday ma’lumot yig‘ilishi, nima uchun ishlatilishi va qanday himoyalanishi. «Shaxsga doir ma’lumotlar to‘g‘risida»gi O‘zbekiston Respublikasi Qonuni asosida.

Tahrir: 26.10.2026

1. Kim ma’lumotlarga ishlov beradi

Operator — SoftDoc (Qo‘qon, Farg‘ona viloyati). Aloqa: +998 99 992 25 55, [email protected], Telegram @elya_classic.

Siyosat ikki holatni ajratadi: (A) biz o‘zimiz operator bo‘lgan ma’lumotlar — sayt tashrifchilari, demo foydalanuvchilari, biz bilan bog‘langanlar va mijozlarimiz vakillari; (B) do‘konlar RASTA’ga kiritgan xaridor va xodim ma’lumotlari — ular uchun operator do‘konning o‘zi (6-bo‘lim).

2. Qanday ma’lumot yig‘iladi

  • Saytga kirganda — IP manzil, so‘ralgan sahifa, sana va vaqt, brauzer turi (server jurnali); cookie faylsiz, anonim tashriflar statistikasi (Cloudflare Web Analytics).
  • Demo — IP manzil (suiiste’moldan himoya uchun), sessiya cookie fayli va demoga o‘zingiz kiritgan ma’lumot.
  • Biz bilan bog‘langanda — siz yuborgan ism, telefon, Telegram nomi, e-pochta va xabar matni.
  • Shartnoma tuzilganda — mijoz vakilining F.I.Sh., lavozimi, aloqa ma’lumotlari, tashkilot rekvizitlari, to‘lov hujjatlari.
  • Dasturga kirganda — login, parol xeshi (parolning o‘zi saqlanmaydi), rol, kirish vaqti va harakatlar jurnali.
  • Mobil ilovalarda (RASTA Ombor va boshqalar) — telefon modeli va ilova versiyasi (qurilmani do‘kon dasturiga ulash uchun); kamera faqat shtrix-kod va QR kodni skanerlash uchun ishlatiladi, rasm saqlanmaydi va yuborilmaydi; internet bo‘lmaganda hujjatlar telefonda shifrlangan holda saqlanadi va faqat do‘koningiz serveriga yuboriladi. Ilovada reklama, joylashuvni kuzatish va uchinchi tomon analitikasi yo‘q.

Saytda ro‘yxatdan o‘tish va reklama yo‘q; biz ma’lumotlarni boshqa manbalardan sotib olmaymiz.

3. Nima uchun ishlatiladi

  • sayt, demo va Dasturni ishlatish va ularni hujumlardan himoya qilish;
  • murojaatingizga javob berish;
  • shartnomani tuzish va bajarish, hisob-varaq va hisob-faktura berish;
  • Dasturga xavfsiz kirish va harakatlar jurnalini yuritish.

Ma’lumotlar reklama uchun ishlatilmaydi, sotilmaydi va ular asosida avtomatlashtirilgan qaror qabul qilinmaydi.

4. Kimga oshkor qilinadi

Ma’lumotlar xizmat ko‘rsatish uchun zarur bo‘lgan quyidagi provayderlar orqali o‘tadi: Cloudflare (domen, HTTPS va tarmoq himoyasi), Telegram (yozishmalar va Dastur bildirishnomalari). Davlat organlariga — faqat qonunda belgilangan hollarda va tartibda.

softdoc.uz saytida cookie fayllar ishlatilmaydi. Dastur va demoda faqat ishlash uchun zarur cookie fayllar bor: sessiya (tizimga kirganingizni eslab qolish), soxta so‘rovlardan himoya (CSRF), bir martalik xabar, tanlangan til va ko‘rinish. Ular reklama yoki kuzatish uchun emas.

6. Do‘konlarning xaridorlari va xodimlari uchun

  • RASTA ishlatadigan do‘kon o‘z xaridorlari (masalan, sodiqlik kartasi uchun ism va telefon) va xodimlari ma’lumotlarini yig‘adi — bu ma’lumotlar uchun operator — do‘kon.
  • SoftDoc ularni faqat do‘kon topshirig‘i bilan, Dasturni ishlatish uchun saqlaydi va boshqa maqsadda ishlatmaydi.
  • Huquqlaringiz bo‘yicha avval do‘konga murojaat qiling; bizga yozsangiz, so‘rovingizni do‘konga yo‘naltiramiz.
  • Do‘kon Dasturni o‘z serverida ishlatsa (Lokal), uning ma’lumotlari bizda saqlanmaydi: Dastur kuniga bir marta faqat litsenziya signalini yuboradi, unda savdo, xaridor yoki moliya ma’lumoti yo‘q.

7. Saqlash va himoya

  • Bulut variantida asosiy ma’lumotlar bazasi O‘zbekiston hududidagi serverda; har bir mijozga alohida baza.
  • Ulanish HTTPS orqali shifrlangan; parollar ochiq holda saqlanmaydi; kirish rollar bo‘yicha cheklangan.
  • Avariyadan tiklash uchun muntazam zaxira nusxalar olinadi; ular faqat tiklash uchun ishlatiladi va muddati tugagach o‘chiriladi.
  • Shartnoma tugagach mijoz ma’lumotlari 30 kun saqlanadi (shu davrda mijoz ularni yuklab oladi), so‘ng o‘chiriladi.
  • Demo nusxasidagi ma’lumot chiqqaningizdan yoki harakatsizlikdan keyin o‘chiriladi.
  • Biometrik ma’lumotlar (yuz tasviri, barmoq izi) yig‘ilmaydi.

8. Sizning huquqlaringiz

  • o‘zingiz haqingizdagi ma’lumot bizda bor-yo‘qligini va uning tarkibini bilish;
  • noto‘g‘ri ma’lumotni tuzattirish;
  • ma’lumotni o‘chirishni talab qilish (qonun saqlashni talab qiladigan hollardan tashqari);
  • rozilikni qaytarib olish;
  • vakolatli davlat organiga yoki sudga shikoyat qilish.

So‘rovni yuqoridagi aloqa manzillariga yuboring — 10 ish kuni ichida javob beramiz.

9. Siyosatning o‘zgarishi

Yangi tahrir shu sahifada sana bilan e’lon qilinadi. Muhim o‘zgarishlar haqida mijozlarimizga oldindan xabar beramiz.

Savollar: +998 99 992 25 55 · Telegram @elya_classic